鄧月平在家避炎亦不忘騷Quali，在社交網化身迷人pink lady，晒澎湃上圍刺激粉絲眼球。
36F導彈胸藝人鄧月平（Larine）不時在網上晒身材，獲不少宅男追捧。受到疫情影響，她近日只可宅在家中避「炎」，但亦不忘與粉絲互動。見她連日來在社交網「發功」，上載戴上粉色假髮、身穿粉紅色低胸吊帶睡裙的相片，化身迷人Pink Lady，雖然假髮遮蓋了事業線，但仍難以遮掩其Big爆上圍，視覺效果澎湃，她留言：「我來自未來。」又引用內地歌手華晨宇的《智商二五零》歌詞，表達個人性格夠直和不造作的特點。網友稱讚她可以輕鬆Carry到造型，紛紛畀讚，她亦禮貌回覆：「謝謝你欣賞。」
聯絡上Larine，她表示因疫情關係，很多styling、化妝師都冇工開，故大家多了空餘時間搞搞新意思，為她試不同造型給觀眾欣賞，她說：「呢個look係我一個日本嘅styling朋友幫我襯出嚟。條裙唔係睡衣，係一個美國品牌嘅時裝，而眼妝係白色線，面上嘅係乾花，配上粉紅色假髮，最精萃係對毛毛boot，呢個look係好前衞，其實成輯相係靚，好日本feel。」