譚俊彥扮好人呃黃智雯博鬧
無綫劇集《十八年後的終極告白》演員譚俊彥、黃智雯與陳山聰等昨日在將軍澳電視城宣傳，譚俊彥拗手瓜贏陳山聰。一反過去正派形象的譚俊彥劇中衰到爆，故作好人經常欺騙黃智雯，問到可擔心角色出街後被觀眾鬧？他說：「如果畀觀眾鬧都係好事，證明睇得入戲。」至於黃智雯可會擔心被鬧蠢？她笑說：「人會學精嘅。」疫情下，譚俊彥透露兒子又屙又嘔，幸好只是腸胃炎。
將做老竇的陳山聰指譚俊彥與楊怡等好友分享煲湯秘笈，讓老婆進補：「楊怡教我煲桑寄生蛋茶，呢排廚藝有進步，老婆都話OK。（開工同BB出世撞期？）預產期係暑假，到時應該拍完劇，老婆會開刀生，時間上易控制啲，但醫生話有機會早產，呢啲就預計唔到。」
此外，尹詩沛由杜大偉孭着玩遊戲，期間被對方不小心摸籮，問到可覺得蝕底？她笑說：「唔會！我哋好Friend o架，唔係佢𢭃住我就跌落地，救咗我就真！」