蔡思貝工作忙難見胡鴻鈞

無綫熱播劇《機場特警》演員蔡思貝、張振朗及鄧佩儀等，昨日到樂富派發防疫用品。提到張振朗被拍得心急食米線，將座駕泊於路邊而被抄牌，他說：「好貴呀碗麵！係我衰嘅周圍泊，嗰日趕住做嘢就攝時間食碗麵，當買個教訓。（咁忙咪冇時間見女友？）幾忙都一定要見嘅。」隨即問思貝如何分配時間，女方說：「時間都係唧出嚟。（唧時間見緋聞男友胡鴻鈞？）最近唔係喺化妝間就喺屋企。（羨慕振朗甜蜜拍拖？）我羨慕佢有麵食囉！」