美國男星畢彼特（Brad Pitt）早前擔任家居設計真人騷《Celebrity IOU》嘉賓，為合作多年的化妝師好友Jean Black家中的獨立車房，改建成客人屋。他形容與Jean的關係如家人，又自言喜歡裝修：「我鍾意地盤聲，如果我唔係整緊工程，會好失落。我行入一個地方，就會睇到好多可能性。」
畢佬除參與設計外，還親力親為拿起錘仔扑爆牆！被安排離家3星期的Jean「回歸」看到成果後說：「我真係好感動，好多謝佢。我知道佢好疏爽，但佢為我咁樣做，超越咗我想像以外。」又向他說「愛你」及送抱，畢佬忍唔住眼濕濕。