薛家燕早前發起「抗疫十字步」挑戰，邀請大家拍片大跳十字步傳播正能量，不少藝人都有響應，包括陳敏之、林盛斌、范振鋒及男子組合天堂鳥等。陳敏之以運動裝輕晒纖腰，見她一開始Chok到盡，然後扭呀扭甜笑勁舞，網民大讚她好「舞功」，不愧為日本樂壇教父小室哲哉的徒弟！
而林盛斌則着住和服跳十字步，效果搞笑，連他自己都忍唔住說：「我見到人哋啲Dancer笑住跳舞好型，點解到我跳就好似中咗降頭咁嘅？」
