暗撻大隻仔 馮盈盈前後腳「自抽」

前港姐冠軍馮盈盈被爆有新戀情，與大隻主播鄭衍峰撻着，日前更被本報拍得把價值60萬元的愛車借給男方揸！昨日她趁不用開工，到超市「打卡」，將與鄭衍峰前後腳逛超市一事擺上枱「自抽」！
馮盈盈被指公器私用，拉埋鄭衍峰主持《#後生仔傾吓偈》。
馮盈盈被指公器私用，拉埋鄭衍峰主持《#後生仔傾吓偈》。

她在社交網發文，並上載在超市拉筋的照片，留言：「行超市，識行一定係前後腳，其實邊個唔係前後腳，唔通要雙腳跳。仲有無人肯陪我行超市？」

馮盈盈抽自己水，以前後腳拉筋相自嘲。
  • 馮盈盈抽自己水，以前後腳拉筋相自嘲。