「單飛」的Super Girls成員Aka，最近孖余香凝妹妹余潔滢（Zoe）合作演出微電影《最好的禮物》，她還負責唱主題曲《到底之後》，Aka說：「齣微電影係比較沉鬱，裏面我幾乎場場戲都要喊，所以好多時見我個樣腫晒，因為喊到腫。（容易投入喊戲？）我本身都係好易投入感情，所以大喊嗰場戲都係一take過。」
戲中Zoe飾演她的妹妹，現實生活中Aka都有個妹：「所以好易投入到，如果講佢要死或者我哋嗌交，我都會好傷心，因為親情對我嚟講好緊要。」她並坦承人生中最爆喊一次就是失戀：「喺街上漫無目的咁樣喊，見到乜都喊，當時情緒去到谷底！」