許冠傑開Live加碼
歌神許冠傑（Sam）今天舉行全球網上《2020許冠傑同舟共濟Online Concert》，在新冠肺炎疫境下向港人發放正能量！據知縱橫樂壇50多年的Sam，以往絕不接只唱十餘首歌的小型騷，故跟Sam合作無間的演唱會製作人蕭潮順昨日受訪時形容：「Sam真係『天價』演出，今次佢唔收錢，仲當大騷咁認真去做！因為覺得係全球直播，有七大網上平台直播，佢嘅歌迷遍及全世界，屆時瀏覽人數估計會破億。」而原定Sam會自彈自唱12首經典歌，其演唱會創作總監鄭丹瑞昨日宣布好消息：「佢（Sam）話唔夠喉，依家要加歌！」
政府為抗疫實施限聚令，蕭潮順指Sam亦會守規矩：「個騷主要得Sam同囝囝Ryan（許懷欣）、鄭丹瑞同我。」至於現場還有燈光、音響等十多位工作人員，演出時亦會跟Sam保持10呎的距離，以及分散企。