吳若希見得老公多對到悶
歌手吳若希昨日到電台受訪，自爆最近才發現叫錯公司高層杜之克英文名兩年多：「直至之前拍《多功能老婆》，洪永城同我講番我先知，好尷尬，不過杜生冇嬲，佢應該心諗我英文咁差。」她坦言生完BB後記性更差：「不過啲人話生完3年後就會回復正常，今個月月尾就係3年，所以都好期待。」
問到時可會幫囡囡慶祝3歲生日？她表示因疫情關係不能慶祝，又自爆見到囡囡對住公仔自言自語，驚囡囡沒有朋友，記者叫她生多個與囡囡玩，她笑說：「都有計劃，囡囡都想要個妹妹，但呢啲可遇不可求，順其自然。（努力緊？）唔知係咪努力，係正常生活。（依家多咗時間喺屋企？）都唔代表夫妻關係會增進，對得多會悶，冇咗浪漫感覺。（搵啲情趣？）唔會呀！同老公都係講搵多啲生意，因為有經濟壓力，成家人要照顧。」