何依婷愛到底飛Bra誘惑
何依婷於新劇《機場特警》中表現備受注目，而今晚播出她於韓國血拼返港，買了印有二人肖像的底褲送給男友楊明，相當香艷。不過二人坦言抗拒這些「調情玩物」，更笑言：「邊有人印自己個樣喺條底褲度o架？」
何依婷首次有劇出街，於新劇《機場特警》一場坐楊明大髀的戲份成為熱話，更於此劇「彈出」，風頭蓋過蔡思貝、湯洛雯等。她受訪時謂：「我又覺得自己冇話特別出位，思貝練到個身形咁Fit，靚湯又有個靚靚空姐Look，都好搶鏡，不過冇諗到第一場戲出咗嚟之後咁多回響，都要多謝製作團隊，依家多咗人留意，作為藝人當然開心。」
晒小蠻腰出事
說到今晚與楊明於梳化攬抱纏綿戲，她說：「拍時現場擺咗好多內衣褲喺梳化度，雖然唔係自己，只係道具，但都有啲尷尬，而且現實生活係唔會有呢啲咁嘅情況。我接受最肉麻嘅程度只係情侶裝、情侶鞋，如果要我送條印樣底褲畀另一半，真係唔得，咁咪會坐住個樣囉！」
之前她於節目《學是學非》中大晒小蠻腰，但就被網民嫌她的肚臍偏黑不夠靚，對此她笑言：「係囉！肚臍生得唔靚冇辦法，惟有下次去美容院做吓個肚臍美白，多謝大家提點，下次幫肚臍搽番啲美白精華先。」
冇收肖像底褲
而楊明則大讚何依婷這場戲演得比之前自然，他又笑言：「我記得場戲我仲玩佢話『一睇就知啲Bra唔係你o架啦！size咁大！』講到條底褲，我覺得好好笑，邊有人印自己個樣喺條底褲度？（思明冇送過畀你咩？）冇呀！就算有都唔敢着啦！咁核突。」