藝人林泳淘（Wingto）向來是愛貓之人，近期新冠肺炎疫情波及到寵物，令不少主人大感擔心，Wingto表示最近分外注意衞生，也多加注意愛貓的狀況：「返屋企第一件事，一定係洗手同換晒出街衫先敢摸隻貓，仲會控制所有家人同朋友唔可以亂掂佢！」她又指最近特別為牠安排更有營養的食物：「人都要食多啲維他命C，貓都一樣要夠營養，我買多咗營養補充劑畀佢，仲買咗廿幾罐唔同味嘅濕糧畀佢試，我隻貓係超嘴刁，試啱咗我就會大量入貨！」她又祝願所有人及動物都能健健康康，順利度過「疫」境。