吳綺莉傳授卓林食生蒜抗炎

吳綺莉指卓林自小已食生蒜，有很強抵抗力。

零收入的卓林早前跟已婚兩年的外籍網紅老婆Andi賒借度日，近日疫情嚴峻，她們連買口罩錢都成問題，只好足不出戶。雖然Elaine管不到已成年的女兒，但在疫境下亦非常關心女兒的健康狀況。她坦言女兒有其食生蒜的偏方「護體」，相信卓林缺口罩亦能度過疫境。

做運動增抵抗力

最近原本拍ViuTV新劇《太平紋身店》的Elaine，因疫情接近停工，但她非常注重健康，故日前不用工作，即素顏行山，希望曬太陽、做運動加強抵抗力。除了做運動外，Elaine一直愛以食療護體，並將偏方予女兒服用，她說：「食生蒜開水飲或者送飯，殺菌好有效，不過眼、腸胃、肝有事嘅朋友就唔好試！我食咗廿幾年，以前都畀個女食。佢哋學校有流感，小朋友傳來傳去，我又唔想個女食太多抗生素，所以一到流感期，我就會做呢個動作。」

放大圖片	吳綺莉做運動前，用酒精消毒鐵架，做足防疫措施。

「愈叫就愈唔做」

問到疫情下可有擔心女兒健康？她說：「當朋友咁交流吓囉，叫佢要保護自己。（佢夠口罩用？）唔敢問咁多，因為愈叫就愈唔做，所以我唔講咁多。（你有好多保健食療？）佢成日食生蒜，我都提咗佢，佢幾歲就開始食，食到依家識得教人，身體抵抗力應該幾好！」