癌夫靠食療好轉 肥媽偏方醫緊8個人

藝人肥媽與陸浩明(6號)日前為無綫節目《健康食平D》錄影,因應新冠肺炎疫情成為全球大流行,肥媽向觀眾推介不少抗疫食譜,好似冰糖煲蒜頭水、黃薑炒飯等簡單食材,對護肺很有效益。

向來食得健康的肥媽,每日都會煲護肺湯水,她坦言丈夫有肺腺癌,西藥不太有效,後轉食天然食材「箭豬棗」保健,她說:「3年前醫生話老公肺腺癌冇得醫,用標靶藥都冇好轉,後來我畀佢食箭豬棗加蘋果膠,最近佢再照肺,開始好番,抖氣好咗好多,以前佢行路都喘氣!」雖然「久病成醫」,但肥媽不敢用偏方賺錢,她說:「其實有朋友叫我做呢個食材代理,但我唔會賺呢啲錢,我怕病呀!寧願有朋友需要時我幫佢解決仲好啦!(好似做咗醫師?)其實我依家醫緊8個朋友,包括有胰臟癌、肺癌同血癌等。」