直播騷有故障 石詠莉執生嗌好玩

歌手石詠莉（Sukie）日前與丁悅及胡琴演奏家陳璧沁舉行網上直播音樂會，三人原本並不相熟：「到做騷時真係三個女仔一個墟，雞啄唔斷，好開心。」她表示今次答允演出，全因音樂人方樹樑，她說：「之前合作過，而且我應承粉絲出年搞小型演唱會，今次當熱身，我唱咗8首好喜歡嘅歌，喺音樂會度穿插咗一段舞台劇，三個劇場版嘅對白都係我老公鄧健泓創作，都唔記得多謝佢。」她還身兼主持一職，笑說：「當晚有啲機器技術問題出現咗，工作人員用咗一、兩分鐘搞掂，當時真係嚇死我，即刻執生，不過好好玩。」