《東張》潘梓鋒獲減租 茶餐廳加板捱落去
疫情未減，食肆開始湧現結業潮。《東張西望》主持潘梓鋒年前與友人合資，接手經營一間九龍城老字號茶餐廳，當初約滿有線而未過檔無綫前，他親自落場，每日做足十多小時，辛苦一段時間生意才漸見靠穩，但經歷這段日子似乎「心血白費」，他說：「茶餐廳一定首當其衝，因為好多時要搭枱。我哋用膠板放枱面擋飛沫、幫客人量體溫同消毒噴霧任用，但只係治標唔治本。同業主傾咗幾次，佢終於肯減租8千，算好好，我咪捱得幾耐得幾耐，話晒班伙記跟咗我哋好耐！」
他指以往每月外快司儀工作可達5位數收入，如今「一蚊都冇」，難怪他慨嘆：「好彩仲有《東張》養住我。」談到多了空餘時間，他說：「踩（單）車拍檔麥明詩完成咗台灣Project返嚟，即刻約出嚟兜番轉。大家再見面、傾吓偈，可謂苦中一點甜。」
另外，藝人杜大偉經營的火鍋店亦生意大跌，為力保員工飯碗，他與拍檔研究不少方案，例如將「鎮店」雞煲增設外賣服務，望開拓市場。