戴志偉驚爆出軌 背妻偷食嫩女同事
已婚的前藝人戴志偉（Andy），多年前轉行做保險，事業有聲有色，有指年薪超過200萬，加上識彈結他，有財又有情趣，故吸引不少「小花」埋身，昨日就有指他與年輕女同事Candy拖手行沙灘，但一入黑就「各走各路」，回家「交人」！據指二人約會頻密，為避開同事耳目，刻意前後腳出動開餐，女方約會時更經常含情脈脈，電力十足。事件曝光後，記者致電戴志偉，他表示沒有任何回應，Candy則把社交網變為私人帳戶。
有指戴志偉與太太感情一向不俗，雖然是老夫老妻，但他非常尊重太太，重要事必跟她商量，故對他疑「出軌」一事感愕然！一班明星足球隊成員吳岱融、陳百祥與衞志豪等，均對隊友的私事表示不便作答，而戴志偉好友陳昭昭則說：「我冇見過Candy，同志偉喺TVB認識，我人生第一份保險都係幫佢買，一直覺得佢係個好顧家嘅男士，希望只係誤會。」今年7月便踏入60歲的戴志偉，2011年拍完無綫劇《天與地》後便轉行，兩名兒子已大學畢業並開始工作。