新冠肺炎影響各行各業，商台亦向員工開刀，工作超過20年的DJ細So（蘇耀宗）昨日遭解僱！有指他曾就錄音室共用咪的衞生問題頂撞上司，結果收到大信封，節目即被腰斬，連森美求情亦無補於事。細So對此回應：「我係同高層有拗撬過，今朝CEO同秘書打嚟話要終止合作，之後即刻有人攞封信同支票嚟我屋企叫我簽收，我覺得好冇人情味。」電台對外事務部回覆，指電台因應經濟環境狀況及前景預測而作出資源重組。
