周嘉洛鬼「鼠」送情歌

「冧女四小生」告別兵仔生涯，真係開心到彈起！

講到冧女秘笈，周嘉洛自爆曾寫情歌示愛，卻遭受冷落：「我試過寫情歌《老鼠愛大米》畀女同學，諗住我係老鼠，佢就係大米，寫完攝喺佢櫃桶，點知佢冇反應！」吳偉豪則衰「執輸」，他說：「讀書嗰陣試過約心儀女仔去舞會，不過當我鼓起勇氣約佢時，已經畀人約咗。」

丁子朗焗影情敵

至於港男出身的丁子朗平時口多多，原來都只係「兵仔」：「入行前約女仔影相，佢肯出嚟，不過係帶埋佢男友出嚟，當我係攝影師。」而能文能武的碩士生黃庭鋒在英國讀書，一心諗住溝鬼妹，怎料太怕醜，他直認：「喺外國冇同外國女仔拍拖，真係遺憾！」

周嘉洛（右）與黃庭鋒表情咁誇，一睇就知演技好。

丁子朗（左）與吳偉豪扭晒Pat咁Cute，難怪得妹妹仔歡心。