羅仲謙叫洪永城咪多手
羅仲謙與洪永城前晚為新劇《陀槍師姐2020》開工，洪永城抵死幫記者問阿謙可有分享「造人秘訣」，阿謙笑說：「你叻過我，我都係初哥，最緊要放鬆。」講到劇中有赤膊戲，阿謙表示在家有操練，洪永城即叫他不要再練，又摸他的胸肌，阿謙即「抽水」說：「你唔好咁多手啦！陣間啲人又傳你o架喇！」擺明取笑他與朱晨麗的「鹹豬嘴」疑雲！
洪永城透露此劇不多親熱戲，問是否較安心，他說：「可能係嘅。（影響心情？）已經過咗，盡量唔諗、唔討論。」問阿謙可會做「和事老」？他笑說：「兩個都咁有價值，公司唔會放過嘅。」又「抽水」再笑洪永城：「你加戲前問過我先喎！」洪永城即說：「其實拍劇加加減減係好正常，調整吓！」
