歌手吳若希昨日開live接受電台訪問宣傳新歌《這位蠢才》，很開心歌曲不用只在電視劇主題曲或插曲聽到：「唱劇集歌唱咗咁多年，所以當我可以唱非劇集歌嘅時候，嗰個喜悅係好大，派歌前一晚仲瞓唔着覺。」
她坦言有時都幾灰，因近年給觀眾感覺似藝人多過歌手：「其實我想話畀大家聽我係唱歌，呢個機會我爭取咗好多年，所以我好珍惜今次機會，唔知下次幾時可以再派非劇集歌。」然後開始哽咽，其後更爆喊說：「其實真係好感動！尋日第一日派歌，朋友讚我唱歌真係好好聽，佢同我講呢兩年冇乜聽我唱歌，因為好多都係劇集歌。」之後她泣不成聲，並用手拭淚：「想話畀人聽我識唱歌，同埋我有努力過同付出！」但最後她都多謝公司，因為劇集令到其聲音去到更遠。