名模貝安琪（Ankie）一直有在健身中心擔任瑜伽教練開班授課，但由於疫情關係，健身中心停業，她轉移透過IG開直播教授，一星期兩日教三堂：「大家盡量避免出街，今次開直播教瑜伽，好多人支持，特別啲外國朋友，美國同歐洲嘅朋友都跟住做，佢哋依家冇必要都唔出街。我都有幾個朋友中咗招，全部都係外國返港，有個仲係一路check住都冇事，到第17日先確診。（你有冇同佢哋接觸？）冇！我冇見到佢哋。」Ankie又透露媽咪劉香萍身在德國，本月2日生日，要隔空與她慶祝：「佢身邊又冇人陪，又唔敢出街，我同佢FaceTime，攞住杯酒隔空同佢慶祝。」