張曦雯𥄫人沖涼：我睇慣晒！
張振朗與張曦雯前晚於酒店為劇集取景，張曦雯大爆拍劇時大飽眼福，欣賞了一場王浩信與張振朗的出浴戲。振朗則稱要突破自己，目標增30磅練出爆肌Body。
藝人張振朗、張曦雯（Kelly）前晚於將軍澳一間酒店為無綫劇集《踩過界II》拍攝一場邂逅戲，場口講述振朗遇見索女Kelly即暈晒大浪，加上見其視力有問題更由憐生愛。
劇中Kelly、振朗與王浩信及蔡思貝產生四角關係，兩位型男亦有不少騷肌場面，問到Kelly豈不是大飽眼福？她笑說：「係呀！之前睇咗浩信同振朗沖涼戲。（邊個fit啲？）浩信有除衫，振朗就着住衫。套劇男演員辛苦啲，要操得好弗，見浩信唔食嘢，連水都唔飲。（要求男友操到一身爆肌？）我男友好fit o架！同浩信有得揮，識咗之後愈嚟愈大隻，所以呢啲我睇慣晒，哈哈。」Kelly指近日完成法庭戲，心情輕鬆得多，她說：「今次係第三次做律師，但係第一次拍法庭戲，試過一次要講三頁紙對白，做足功課所以好順利，下次可以挑戰多幾頁紙。」
想變大隻仔
振朗為求突破，已經增10磅兼練大隻，目標是增加30磅練出爆肌身形，他說：「做演員係要挑戰自己，拍《機場特警》時操過，但偏向鋼條身形，今次希望大隻啲、有肉哋嘅，因為要增磅，依家食好多嘢，一餐食兩大塊雞扒、一大碟飯，開工、收工就盡量抽時間做gym。」