無意借錢助菊梓喬 吳若希：關我咩事！

吳若希、陳展鵬與林夏薇昨日到電視城錄影《娛樂大家10點半》，對於同公司「死敵」菊梓喬自爆冇錢交稅，她說：「關我咩事？點解要問我？（借錢畀佢？）老闆會借(口架)啦！輪唔到我。（公司抽佣好勁？）唔知呀！我哋合約形式唔同。」但她認同藝人表面風光，又自認很窮，問會否向稅局申請延遲交稅？她說：「一向有會計幫我搞，我只係知道幾時要交錢，就簽張支票畀佢。（你咁都叫窮？）最慘係中產，冇福利，啲稅又交好多，都好吃力！」又指較擔心「禁酒令」：「我有諗過係咪連屋企都唔畀飲，因為有時同老公都會輕酌吓，飲完酒就親密吓。」