黃百鳴抗疫自救 吳千語贊成：安全最緊要

新冠肺炎令本地經濟一池死水，旗下擁有「Cinema City」院線5間戲院的黃百鳴，決定抗疫自救！早於今年2月，每日每場之間已加強清潔戲院每一個座位，並為入場觀眾派發口罩、酒精搓手液及探熱等，他更花上過百萬元，引入十部國際醫療級消毒機，以提高戲院的衞生標準，保障觀眾和員工安全。除此之外，如發現戴上電子監控手帶的人進入戲院，會即時報警。

對於各大戲院的抗疫方法，當中包括隔行售票，黃百鳴昨接受訪問時直言，最有效的方法是政府下令關戲院14日，以防止人群聚集：「新加坡政府都宣布咗所有戲院需要停業至四月底，我好同意佢哋嘅做法，香港政府唔好慢幾拍，應該都要咁做，下令關閉戲院14日，咁先可以有效阻止疫情爆發！」

吳千語認為在如此困難時刻，關閉戲院是可行方法。

戲院放置國際醫療級消毒機，加強衞生。

黃百鳴指本身都想自發關閉旗下戲院，但因其戲院多在商場內，原來此舉要賠償商場的損失，所以未能實行。說到強制關閉戲院必有經濟損失，黃百鳴說：「政府如果下令關戲院，都應該會有啲資助，大家共度時艱，最緊要係市民嘅安全。」

放映張國榮舊作

許多片商不願安排新片在如此環境上畫，令內地戲院「冇戲上」而將《葉問4：完結篇》的映期延長，香港戲院也遇上同樣問題，黃百鳴說：「如果政府唔下令關戲院，我哋都要想辦法。四月一日係哥哥（張國榮）逝世嘅紀念日，佢喺17年前離開咗我哋，當時咁啱係沙士爆發，我嘅片庫有十部哥哥嘅電影，我哋修復咗其中兩部經典作《白髮魔女傳》同《夜半歌聲》做4K版，四月一日起播放，其中《夜》片仲係哥哥最後一部做監製嘅作品，好有紀念價值。」

對於黃百鳴的建議，袁詠儀與吳千語都覺得很不錯，吳千語說：「大眾安全最緊要，關戲院14日，防止群眾聚集，係其中一個防疫嘅好方法。」袁詠儀亦覺得建議可取，但最緊要都是大家要做好防疫工夫，衞生最重要。