李施嬅加國抵港檢疫半粒鐘搞掂
藝人李施嬅早前到加拿大為新劇《血與水》（Blood & Water）拍攝，惟因疫情嚴峻，劇組被迫暫停拍攝，施嬅成功改機票昨日從溫哥華返港。戴上黑帽、口罩、掛有迷你空氣淨化機的她出閘時，左手佩戴追蹤手帶，並向傳媒展示家居檢疫的相關文件。
她表示檢疫過程暢順，半小時內完成所有手續：「交健康申報表、檢查我嘅地址同電話係咪正確。（採集深喉唾液？）冇病徵唔需要，淨係經過部測量體溫機。」她又表示在機上亦保持警覺：「冇去廁所、冇食嘢，自己帶咗水樽用飲管飲，有消毒座位同戴眼鏡，瞓覺就戴眼罩，再用被笠住自己，落機拎行李車都有消毒，好安全！」她表示已Call車回家，繼而進行家居隔離14日，不過笑言仍未準備好：「廁紙都未買！香港叫外賣咁方便，餓唔死嘅，會留喺屋企做運動。（劇集幾時復拍？）未知，淨係覺得自己成日隔離，今年係隔離年。」