祖兒搭長途機唔敢去廁所
天后容祖兒早前忙於歐洲站巡唱，但因疫情取消巴黎一站。昨午她由英國返港現身機場，做足防疫工夫，戴口罩兼手提包藏有空氣清新機。她笑言雖然搭長途機，但全程冇去廁所，只吃了很少東西：「搭飛機時好緊張，係咁抹手，手指唔會掂塊面，之後返屋企會全身消毒，自己喺房食飯，盡量少啲同家人接觸，出廳都戴口罩。就算朋友約見面，我都唔會見住。」她透露本月21日在馬來西亞開騷，但要視乎疫情發展。
許廷鏗自我隔離
另外，歌手許廷鏗由外地返港，但未有透露地點，只稱不是疫情嚴重的地方：「我返到屋企會戴口罩，仲會自我隔離。」問到其牙醫診所生意有否受影響？他表示因應病人的緊急性酌情處理。而英皇藝人李靖筠透露剛於馬來西亞拍劇集《女法醫JD》，並爆同劇的陳家樂原本回港後要再返馬國，但擔心被隔離，因此繼續留在當地。
