日本寫真界可以話充滿奇迹，就好似身高5呎4吋嘅熊田曜子，激凸G Cup上圍不但令佢有奇迹胴體之稱，原來佢仲有好多事情令大家嘖嘖稱奇，單係出道至今紅足19年，就已經係無人能及。
日本美女駐顏有術相信好多人都知，好多年逾四、五十歲嘅女性都極富魅力，絕對唔會比十零廿歲嘅妹妹仔遜色。而喺寫真界年紀有番咁上下嘅女優能夠Keep住容顏已經相當難得，仲要同時保持一副靚偈，甚至比以前更弗更火辣嘅就更係少之少有，不過殿堂級寫真女王熊田曜子就做得到！
今年37歲嘅曜子，面孔與初出道嘅時候相比當然會有少少歲月留痕，但卻散發出一股成熟、妖媚嘅攝人風韻，更帶點高傲綺麗氣息添！身材方面同樣比以前更加吸引，弗得嚟帶健美感，條腰夠晒幼，而且瘦人唔瘦胸，上圍對「最強巨乳」一直保持堅挺碩大，胴體嘅曲線美簡直係完美呀！
原來曜子喺高中時期曾經因為暴飲暴食而變成肥妹，更被同學稱為豬形大猩猩添！後來，因為好想結識一位生得好似型男綾野剛嘅靚仔學長，所以就決心減肥，變得又弗又靚女。2001年投身寫真女優行列，人氣愈來愈高，喺藝能界亦發展得唔錯。但係曜子可以話永不言休，即使喺2012年結婚，隨後生咗三個囡囡，亦冇話收起性感，反而產後努力收身，令身材極速回復火辣，繼續賣弄胴體之美，喺業界可以話前無古人，實在係寫真界嘅奇迹！
除咗拍寫真，曜子仲以自己嘅收身減肥經驗連番出書，教大家點樣喺10日之內將體重減少3公斤、產後迅速收身等，有自己做樣辦畀人睇，著作唔大賣都幾難啦！
簡介：熊田曜子經常喺社交網同大家分享烹飪、育兒以及產後保養心得，男人就未必有興趣，但係當佢有寫真推出亦會將部分照片開心Share畀大家欣賞，千祈咪錯過！
網址：https://ameblo.jp/kuma45blo/
年齡：37歲
身高：5呎4吋
三圍：37G-23-33
撰文：賢