郭玥彤學風水慳番筆

模特兒郭玥彤（Celia K.）要兼顧家庭及工作，惟興趣多多的她近年踩入風水界，她指向來對玄學感興趣，早前跟陳定幫師傅學紫微斗數：「我每年都有睇紫微斗數睇運程，同埋近期想創業，就更加想有高人指點，加上我有興趣，就諗不如去學。」因一次深刻經歷，令Celia更深信風水：「我屋企喺五十幾樓，當初因為個景好靚，所以就決定住呢度，點知入咗去之後，我一家只係住咗四日已經病得好勁，兩個女兩個月仲入咗兩次醫院，即刻搵師傅睇吓點搞，因為屋企望到少少醫院，佢教我擺個風水陣就鎮到大家病得冇咁密。」