周汶錡法籍老公Julien Lepeu來頭不少，其父Richard Lepeu為代理多個國際品牌的集團財務董事，母親Evelyne在珠寶界也有名氣，為珠寶鑑證員。他早年曾在美國修讀寶石課程，曾擔任法國珠寶店的買手，後來港為某珠寶品牌擔任經理，更有指其父為他的事業謀出路，曾打本入股某珠寶品牌讓他經營。另外，愛靚車名酒的Julien於2014年以個人名義斥3千萬港元買入上環西街一個地舖，開設售賣時裝、美酒等的法式店舖。
識飲識食加上外表俊朗，飛來蜢自然不少，2008年Julien被拍得跟歌手張羽希（前名張苡澂）在尖東海旁「狼吻」，張羽希即被指是介入感情的第三者，有傳當時身為Julien未婚妻的周汶錡，情緒低落至服藥而送院。
張羽希對於Julien再次「偷食」，她昨日表示私下與他甚少聯絡，只會在網上打招呼，又讚對方好nice好吸引，而且高大靚仔：「我諗好多女仔好鍾意佢，但始終依家佢有家庭，唔應該咁樣做。」當年她被指做第三者，她說：「嗰時佢未結婚，我又單身，但過咗去就算，唔好提。（Julien再次偷食，係咪還你清白？）清唔清白都算啦，時間係最好嘅證明，我費事愈描愈黑，由觀眾雪亮嘅眼睛去睇。」她寄語Julien言行要檢點：「佢係好熱情，但唔應該咁隨便，始終兩個人一齊要互相對對方好，佢又有小朋友，言行上要有責任交代番。」