老婆鍾淑慧重裝備出巡 吳岱融掃防疫品塞爆Pat

吳岱融掛住撳手機，鍾淑慧離遠嗌極都唔理！

掛住篤機 嗌都唔理

當日黃昏約5時，全身重裝備、包括戴護目鏡、口罩及心口掛空氣清新機的鍾淑慧，與老公連體現身商場，幾乎逢店必入，惟逛了一輪仍是兩手空空，遂步往附近超市。兩人專攻防疫物資，鍾淑慧全程揸晒主意，掃走不少清潔用品，期間揀選消毒清潔劑時，夫婦有商有量，未幾已買下大堆物品。向來是「愛妻號」的吳岱融為免太太操勞，全程「咕喱」上身，把戰利品放入自備紙袋，連腰包都塞到脹卜卜，籮趷趷先行步出門口等太太。鍾淑慧前往會合時離遠邊行邊嗌，他卻低頭族上身只顧撳電話未有理會，要太太拍膊頭才「醒水」，之後拍拖到餐廳撐枱腳。

塞爆腰包，見佢行得幾辛苦。	兩夫婦係咁研究清潔用品。	吳岱融與鍾淑慧結婚25周年，依然恩愛。