狄以達跳舞學校蝕6位數

擅長舞蹈的藝人狄以達昨日在其跳舞中心宣布，與鄧智堅、跳舞導師吳卓欣及幾位香港運動員楊文蔚、葉姵延、陳家豪等進行網上教學活動。達仔表示現時停課下，不少學校希望他們可以拍一些教學影片給學生，於是集合約15位藝人及運動員，預計拍攝約60集影片供小學使用：「暫時有近100間小學會用我哋服務，小朋友停課少咗運動，所以希望大家都可以喺屋企做運動，增強抵抗力。（跳舞學校生意蝕咗幾多？）都蝕咗六位數，我都停咗課程一個月，但今次活動係冇收錢，正如有人派口罩，我哋就提供課程，暫時先唔講錢住，初心想帶領小朋友多做運動，暫時反應都好好！」