剝光豬開胃啲？Bella Hadid:美國人氣索模Bella Hadid近期為各大時裝周行騷，不過幾忙都好，佢一定會喺社交網放性感相呃Like！「剝」開有條癮嘅佢，前日上載開工放食晏相，半裸坐喺地食墨西哥捲餅，成功呃走逾43萬個Like！
韓團Apink成員孫娜恩向來身形弗爆，最近被品牌睇中，力邀佢拍運動Bra廣告，大晒零脂肪嘅靚身形。着緊身褲同運動鞋嘅佢，由內而外散發健康性感美，粉絲讚佢冇得輸，有顏值又有身材！
韓劇《巴黎戀人》嘅女星金晶銀，因為老公工作關係，婚後經常穿梭港韓兩地。近日留港抗疫嘅佢，上星期同老公撐枱腳，慶祝佢44歲生日。前日兩公婆又出動，同好友行山，金晶銀見山頂冇乜人，即除低口罩影相，素顏上陣狀態勁弗，點睇都唔似四張嘢！