唐嘉麟Rap入屋捧紅大四喜

在MC Jin（歐陽靖）幫助下以Rapper身份出道的唐嘉麟（KT），加入無綫拍劇成功入屋，去年《愛．回家之開心速遞》爆紅的「大四喜」，他就是幕後功臣！他接受東網節目《娛場》訪問，承認有份創作：「大四喜出街後，有人打電話嚟搵我，奇怪之餘又好有滿足感，多咗份挑戰！」他又為政府拍宣傳片《大嘥鬼》：「我唔敢話自己係代言，但把聲係我喎，當我去電台做訪問，啲人睇完個廣告，問係咪我嚟？仲話咁似古巨基嘅？幾搞笑！」