歌手洪卓立昨日到電台宣傳新歌《喜劇收場》，歌詞講述感激過去曾發生的開心、傷心事。講到有網民指新歌道盡跟前度湯怡的拍拖事迹，他坦言人人解讀不同，若然這想法可以令大家更投入聽歌，自己都不介意：「其實都冇話要影射任何事，本來都唔想做情歌，但無論做咩歌啲Fans都可能會套用喺我身上，所以最後都照做。」
講起傷心事，洪卓立指入行初期因不懂解壓，竟用「四字真言」鬧媽咪：「鬧完佢嬲到喊，之後我又一齊喊，當時好多嘢做，佢嘅一句善意問候都覺得煩，最後請食飯氹番媽咪。」
