李居明疫情解密4月8日可平息
新冠肺炎令香港民生、經濟都大受影響，對於疫情未來走勢，李居明經玄學卜算，認為可望於4月8日平息，到夏天完全消失，並指4月後會有針對疫症的藥物面世！他以玄學角度指今次有兩個生肖可以免「疫」，一個是龍，一個是牛，大師還建議全港電視台重播《龍珠》，有助化解疫症：「龍、牛係可以散熱毒，呢個疫情係熱毒嚟，而播放動畫《龍珠》，因為本身個名有個龍字，入面嘅主角係『孫悟空』，亦即係馬騮，代表金，金可以防火毒，令馬騮可以百毒不侵，係成個防範瘟疫嘅密碼嚟！當然呢個係玄學角度，我哋應該先科學後玄學，有問題要即刻睇醫生。」
李居明又提議大家可以多食牛、龍脷柳等食物防疫：「由於牛、龍可以散火毒，牛亦代表牛肉，喺防疫醫療方面有助增強體質；第二，龍，中醫用嘅龍脷葉，入藥可以清熱毒，食龍脷柳亦係其中一樣防疫食物。」
新光獲免租半年
面對「疫」境，他昨日透露好消息，指接獲新光戲院大業主羅守輝先生通知，半年免收全額租金、之後給予一個特惠價錢，對於因疫情而停業的新光戲院來說，確是雪中送炭！另外，他親自製作13輯視頻《李居明談肺炎》及免費贈送防疫符貼與防疫手冊，與大家攜手抗疫。