陳煒譚俊彥出口術劇透引觀眾

陳煒透露有床上戲，不過主角唔係佢！

《法證IV》收視繼續飆升，首集7日跨平台總收視高達37.1點！譚俊彥昨日到電台宣傳時，揚言是台前幕後的功勞，對大結局收視衝破40點信心十足：「係一個開心結局，但點開心法我都唔知，因為小青姐（監製梅小青）好犀利，原來啲劇本最後部分有保密，我哋拍出嚟嘅嘢係同剪出嚟唔同，佢好識得一環扣一環咁令觀眾追劇。」至於是否有計劃拍續集，他指演員被動，要看公司安排，又笑說：「依家興再開就換人，暫時未諗，都係專注喺防疫同宣傳上。」

仔女「未夠秤」捧場

譚俊彥又爆父親狄龍是忠實擁躉，但作風是有彈冇讚，相反媽媽則有讚：「佢係標準會煲劇嘅師奶，我晚晚都打畀佢問做成點，關係好咗好多。」不過，由於有血腥及屍體畫面，他指一對年幼子女未有收看：「之前做包青天黑口黑面嚇親個女，我都係8、9歲先睇爸爸嘅劇。（停課喺屋企好悶？）大家都悶！太太好有心，每朝10點就好似幼稚園上堂咁，尋日先同佢買教材。」又自嘲不知不覺做了怪獸家長：「個女差唔多5歲，佢計數叻，已經買6、7歲嘅數畀佢越級計。」

陳煒昨日落區派口罩，為市民送暖。	《法證IV》主角譚俊彥（左起）、黃浩然與陳煒，日前慶祝收視報捷！	譚俊彥踢爆爸爸狄龍是忠實擁躉，但口硬只會批評。

此外，他投資的西餐廳受疫情影響，想轉型做外賣生意：「都辛苦，依家係大家攜手共渡時艱，希望用自己嘅能力過呢個難關。（要求員工放無薪假？）冇削減員工任何福利。」

至於同劇演員陳煒，昨日偕莫家淦及衛志豪到寶林邨派口罩，雖然她有充足儲備，但男友陳國強的醫學美容診所曾因缺口罩而未能開診，全靠朋友相助。她又指除了《法證IV》的宣傳活動外，其他工作全部叫停，提到下周發展與鄭子誠的感情戲，她反爆康華有床上戲：「我靠佢拍床上戲嗰陣返屋企沖涼落妝，連續拍咗48小時未落過妝。」