黃榕畀人跣仆爆下巴唔敢入院

性感女星黃榕近期鮮有公開露面，原來農曆新年期間在家遇意外跌傷下巴，傷口長達兩厘米險破相！她受訪時透露當日出門口掉垃圾時，不為意地上有一灘水，結果整個人跣低：「直情趴喺度，個下巴落地受重擊，當時唔係好痛以為冇嘢，點知摸到頭髮好多血，原來下巴滴緊血，頭髮都染紅。」擔任牙醫助護的妹妹立即替她消毒傷口，但可能會留疤。
除了下巴重創，連手指都受傷！
除了下巴重創，連手指都受傷！

問到為何不入院求醫？黃榕坦言跟新冠肺炎有關：「我屋企附近間醫院有確診個案，擔心染肺炎多過破相，加埋新年流流，所以堅持唔去醫院，自行處理傷口就算。」經過兩個星期休息，她表示傷口仍隱隱作痛，連笑也會感痛楚，被迫暫停做運動及教班：「朋友仲笑我係咪偷偷地去整下巴，真係有苦自己知。」

黃榕擔心入院染肺炎，寧願自行療傷就算。
  • 黃榕擔心入院染肺炎，寧願自行療傷就算。