藝人森美的父母因登上了爆發新冠肺炎的「鑽 石公主號」，他昨日在電台節目提到兩人的檢疫報告仍未出，故未能落船，但指父母的朋友檢疫結果呈陰性，令他稍為「心安啲」。森美指父母在船上得到的外界資訊不多，並重申父母願意返港後再隔離14日：「阿媽同我講：『我哋冇話唔返香港，冇話唔肯隔離。』我話我哋冇咁講。」他指父母一直留在房間未有亂跑，但透露船上有人「周圍走」，又笑言在收線前，父母曾「落Order」：「冇咩嘢唔好（公開）講我哋！」
森美又叮囑登機返港的乘客要做好保護，又叫父母在機上不要吃東西避免除下口罩，因為即使船上有人的檢疫結果呈陰性，亦未必100%準確！