張沛樂食到嘔搣脂10磅
藝人張沛樂（沙律）早前為香港開電視到日本東京、鐮倉、廣島等地拍攝旅遊節目《美少女日本民宿》，邊拍邊玩邊食，結果肥了3、4磅，她說：「拍節目不停咁食，實在食得太多。最深印象係食綠茶雪糕，我唔鍾意食甜嘢，但係都要食，仲要話畀觀眾知有幾好食，但我個樣好唔享受，導演就要求再拍，結果又再食。嗰度好逼，又畀太陽曬住，上到車真係嘔咗出嚟！」
肥都唔怕冇人追
沙律過年後開始減肥大作戰，目標踢走10磅肥膏：「上年好多負能量，條腰又整親，所以冇心機做運動，嚟緊會做番運動減肥，最想學瑜伽。」去年甩拖的她自言性格開朗，沒有受情傷困擾。問到增磅可有令追求者大減？她笑說：「咁又冇，肥咗係有啲自卑，但唔關事嘅，追我嘅男仔係鍾意我嘅性格，但係要慢慢揀，相處吓先考慮拍拖。」
棄性感玩SheShe
踏入新一年，沙律將挑戰SheShe角色：「我好接受呢個角色，因為我好爽直，覺得做到角色要求。」又揚言怕大家睇厭，希望減少性感演出。