森美：抗疫不分立場

無綫方面昨日回覆時指節目未出街便被網民發起罷睇、投訴，形容得啖笑：「未播出又如何得知唔中立？受訪嘉賓包括醫生、護士、建築師、測量師同米商等，有幾多個係泛民、罷工醫護？疫病不分『顏色』，本台亦都冇政策只接受咩政治立場嘅嘉賓，最重要是考慮係佢哋嘅專業知識。節目出街後，有唔少人讚內容清晰易明、資訊豐富。」森美亦表示抗疫不應講立場：「大家都係講關於病情嘅事實，開會時亦冇立場之分，只係講醫學上專業資格，在座嘉賓嘅資格都係值得肯定同好有分量！」陳貝兒指已盡力做好節目，希望觀眾了解更多疫情。