陸浩明爆喊認錯累阿媽擔心

無綫藝人陸浩明近日在節目《#後生仔傾吓偈》講「防疫意識」時，誤將2003年沙士疫情說成香港是病毒源頭，引起網民炮轟，他事後兩度在社交網道歉。昨日，他在將軍澳電視城錄影節目《娛樂大家10點半》時，親自再向觀眾致歉及作出糾正：「我喺節目中係有疏忽同唔小心嘅地方，講咗錯誤資訊，及後雖然我有講病源係嚟自廣州一位教授，但糾正得唔夠清晰同明確，引起大家誤會。」隨後攞出手機讀出有關沙士的新聞報道以糾正錯誤，對此牽動到大家有不開心或傷感的感覺，他會衷心講對不起：「經過呢件事，處理節目內容會更加謹慎同小心。」

問到可有受事件困擾？陸浩明坦言已兩晚失眠，又指最不開心是令媽媽擔心，他喊着說：「我同媽咪講冇事嘅，做藝人有時預咗要處理呢啲新聞，叫佢唔使擔心。（工作受影響？）希望冇，亦希望唔會影響到廣告客戶，我會發訊息畀佢哋講聲唔好意思。唔開心一定會有，但無奈自己糾正得唔太好，作為公眾人物要面對呢個責任。」

李施嬅讚陳山聰造人叻

同場的李施嬅指原定計劃月底起程往加拿大拍劇，但劇組擔心疫情令航班取消，故要求她提早起行，打算日內出發。提到與海俊傑合唱新歌，她笑說：「佢太太好好，叫佢老公要愛多啲施嬅，仲叫佢情人節約我添！」好拍檔陳山聰近日宣布有喜，她笑言早在頒獎禮時已知道：「忍得好辛苦！以為佢嗰日會講。山聰真係好厲害，講咩中咩，播緊《金宵大廈》已聽到佢話要造人，真係好叻仔。」