太投入角色 Aka發噩夢爆喊！

組合Super Girls隊長Aka主演的微電影《最好的禮物》昨日上網，與余香凝妹妹余潔滢飾演兩姊妹，戲中Aka被妒忌她的妹妹多次傷害及欺負，令她非常心痛。二人因拍攝變得熟絡，Aka當正潔滢是妹妹對待，現實中她與妹妹亦感情要好，只好靠朋友的經歷代入角色，她笑說：「我試過因為太入戲，發噩夢妹妹要離開，喊到收唔到聲，起身仲喊緊，即刻打畀妹妹，佢嘅反應係『You are so sweet』，不過當時真係好驚！」

而潔滢在樹林拍攝「攤牌」一幕後病倒，問到與家姐余香凝有否試過因妒忌而生怨？她說：「鬧交實有，但好快冇事，因為佢始終為我好，唔會做傷害我嘅事。而且由細到大一齊生活，有一排唔見都會掛住對方，會覺得冇人同我傾心事，我應該做唔到戲入面咁狠心。」

Aka（左）與戲中妹妹余潔滢做咗Friend。
  • Aka（左）與戲中妹妹余潔滢做咗Friend。