岑日珈非常時期勤沖涼
女星岑日珈（Angie）家有寵物，平日親自打理愛貓愛犬，眼見疫情嚴重，笑言除了勤洗手，還要多沖涼！連寵物也要多加清潔照顧。去年Angie諸事不順近乎零工作，感覺像浪費了一年，本月就滿26歲的她，出道時揚言以6年時間在圈中發展，轉眼5年，覺得是時候有個轉捩點！愛貓狗的她，想學寵物美容：「想考美容師牌，做自己喜歡嘅嘢，仲可以帶我啲狗仔貓仔落舖頭陪吓佢哋。」
兩年後會行運
初出道時，她覺得獲上天眷顧，遇到很多機會，可惜未有好好把握，甚為後悔：「如果畀我回到嗰刻，我會畀多百倍努力去表現自己。」去年她獲師傅贈言，指她時機未到，仍需耐心等候：「話我28到32歲會行運，機會亦最多，等吓仲會有未來老公！」但Angie暫時對愛情及異性提不起興趣：「咁唔代表我對同性有興趣，有朋友介紹男仔畀我識，傾得埋係OK嘅，我唔想有男友住，寧願揀工作先。」最搞笑是媽咪問她是否不喜歡男人：「見我攬住啲狗，好驚我下半世淨係同啲狗一齊。」
