連詩雅為「拜金」平反
連詩雅曾有「點擊女王」稱號，因她有多首歌於網上點擊率均破百萬，奈何兩年前其經理人公司跟華納唱片爆合約糾紛，令其音樂事業一度叫停，她在電台訪問中坦言不開心：「想做嘅事做唔到，但我冇埋怨任何一方，係唔知點算，自己又控制唔到，諗過係咪仲適合做呢行。」
曾與蔡卓妍有米男友石恆聰拍拖的她，分手後與音樂才子徐浩相戀，對於一度被封「拜金港女」，她說：「因為機緣，我有啲拍過拖嘅人好有錢，但我從來係人品先行，唔關錢財事！（欣賞徐浩才華？）我欣賞佢嘅人品，佢對家人、身邊人都好好，呢個先最重要。」又表示不急於結婚，除非突然想生小朋友。