黎芷珊返港自我隔離

一名80歲武漢肺炎確診男患者，從日本橫濱乘郵輪返港，無綫主持黎芷珊剛巧與對方同船！她昨日受訪時表示甫抵港即自我隔離，在家休息，慶幸這段日子沒工作，未有大影響：「我完全冇問題，冇嗰啲徵狀。我上船到依家已經隔離咗10日，會自我隔離多一個星期，應該穩陣。（有冇見過確診老翁？）船上嘅香港人只係少數，有啲走埋嚟同我傾偈，但佢哋唔係咁大年紀，應該唔係嗰位伯伯。」並讚郵輪做足防疫措施：「我上船時，日本得一宗確診，但佢哋已經做晒安全措施，例如最多人出入嘅餐廳，有兩個洗手盆喺度，仲有兩個船員要你洗完手先畀你食嘢，加上周圍擺咗搓手液，如果啲人乾淨意識好，應該冇事。」