張達倫密謀移民澳洲探路
藝人張達倫與家人去了澳洲悉尼旅行，享受家庭樂，面對陽光與海灘，心情特別舒暢！他坦言香港疫情嚴峻，希望在當地逗留的時間愈長愈好。現時不少港人喊着要移民，問他會否考慮選擇澳洲為移民首選？他說：「我真係有諗呀！因為大女今年開始喺澳洲讀書，呢個Trip係陪佢過嚟開學，我哋會順便睇吓啲地方，可能太太同囝囝過嚟睇住阿女，到時我就兩邊走都唔定。」
囝囝興奮摸袋鼠
此行他與太太帶了囝囝碩碩去不少地方遊玩，除了專程駕駛個多小時餵塘鵝，又去澳洲動物園親親袋鼠，他笑言被囝囝嚇親：「佢一啲都唔驚袋鼠，仲衝埋去摸！我幾驚啲袋鼠畀佢嚇親會打佢，但原來唔會嘅，啲袋鼠好Friendly。」而碩碩在公園見到大車時，立即變得興奮，更冧爆表示要駕車載爸爸返工，令達倫哭笑不得。
澳洲有零星武漢肺炎確診個案，但當地小朋友照舊四圍玩、碌地沙，達倫表示見到不少內地及港人掃貨，故當地口罩同樣斷貨，只得小量消毒洗手液。
