苑瓊丹獨門「勁賺」秘方

苑瓊丹篤信風水命理，更自創獨家開運方法︰「如果嗰年運仔唔好，拍完嘢啲錢我會叫經理人Keep住先，當冇賺過，一過冬至就當第二年，即刻叫經理人過番數畀我，開個靚年，賺到盤滿缽滿！」她指會向師傅諮詢幸運顏色及飾物︰「通常係綠色，所以大家見我着綠色多。」

她為香港開電視「爆料」節目《開工大吉77》錄影，日前到紅磡一間燒味店取景，大揭逢開鏡、開騷、開張前拜神斬燒豬的「秘密」。她又指最緊要還神︰「有借有還，唔還仲衰過齋拜，記得拜財神就一定要帶埋糖去，畀啲甜頭財神爺，拜過次次都旺。」並透露會於節目內大爆周潤發的行蹤，分享成功「捕獲」他的專屬地點，又笑言私下經常撞見對方。