駱胤鳴唔急求子

歌手駱胤鳴偕香港開電視《娛樂頭條E-News Headline》主持馬梓軒到大埔許願樹，經過6次努力，終成功將寶牒拋上樹，她祈求新一年身體健康、闔家平安，又直言想有更多時間二人世界，拒連生貴子！駱胤鳴將於12月27日與圈外男友Kelvin結婚，預計設宴30圍，她力數對方三大優點：「佢好細心，個袋一定有紙巾、濕紙巾，甚至有段時間有衞生巾；第二係好識煮嘢食；第三係佢工作好認真，會唔聽電話同唔覆訊息，但我唔會嬲，因為知佢做緊嘢。」