王敏奕八卦老友戀情
藝人王敏奕昨日為無綫劇《香港愛情故事》拍攝在茶餐廳打工的戲份，她透露角色打不同散工，日前便到酒吧當調酒師，大開眼界：「要邊調酒邊同客傾偈，啲酒兩層顏色，仲要學手勢，好難！」今年是她首年派雙封利是：「我有派開工利是，唔知幾時派邊樣，但之前陪老公（曾國祥）去佢公司開年飯敍，見佢派得好興奮。（生個B收利是平衡番？）冇諗，等大家事業再衝刺吓先！」
談及老友陳瀅被指與舊愛何猷亨復合，王敏奕表示不知情：「呢排太忙，冇乜見。（戥佢開心？）希望朋友每段感情都幸福快樂。（佢哋襯唔襯？）佢鍾意就得，兩個人最緊要開心，等我都短訊問吓佢先！」
