1萬蚊掃得10幾個
武漢肺炎肆虐，疫情更急劇擴散至各地，不同地方均出現搶購口罩潮。香港藝人何雁詩（Stephanie）農曆新年與未婚夫鄭俊弘及家人到泰國旅行度假，豈料疫情擴散令他們失了預算，行程尾聲時出現「冇罩可用」地步。情況危急下，Stephanie決定在當地機場禁區買入十多個可以更換濾心的口罩自保，口罩連濾心埋單計逾萬港元，平均一個約一千港元，她在社交網講述情況：「花了一萬元在口罩上，為咗希望個個人買到，我只係幫咗有需要親戚朋友買咗每人一個，加埋一包Filter，總共買咗10幾個可重用/換Filter的口罩，都要一萬元，絕望的時間，非常手段，肉痛仲好過喉嚨痛。」
屬N95款式 可換濾心
何雁詩透露口罩屬N95款式，雖然未必可以阻擋到冠狀病毒，但基於「有好過冇」的心態而購買。她又指商店暫時尚有現貨，有需要人士可前往查詢，但呼籲大家不要買得太多，買夠就好。
其後，記者聯絡上何雁詩，她表示泰國有周圍搵口罩，奈何撲空：「可能我住旅遊區嗰邊，所以啲口罩都賣晒。我買咗十多個，加埋要成萬蚊，但都冇辦法，出面真係買唔到口罩。」又透露每個濾心可用100小時，即是大約四日，提醒大家要記得更換。